Nóta Mínithe
Labhairt na Gaeilge a spreagadh san Ollscoil.
Is iad na gníomhaíochtaí a chuirtear san áireamh ná:
- imeachtaí go raibh baint ag iarrthóirí leo, go háirithe imeachtaí a 'íǻ岹, níor leor díreach a bheith ag freastal ar imeachtaí Gaeilge
- na himeachtaí a d'fhéadfadh a bheidh i gceist: aon imeachtaí a ritheadh trí mheán na Gaeilge, mar shampla imeachtaí ceoil, rince, drámaíochta
- imeachtaí Spraoi Cois Laoi, Sheachtain na Gaeilge
- imeachtaí na Féile Pádraig
- díospóireachtaí Gaeilge
- Raidió Campus
- scríbhneoireacht na Gaeilge (mar shampla altanna i nuachtáin nó nuachtlitreacha nó ar leathanach idirlín, scríobh drámaí, próis nó filíochta)
- imeachtaí áitritheoirí an Ionaid Chónaithe, Áras Uí Thuama
- tionscadail ar leith a bheadh déanta nó dualgais ar leith a bheadh comhlíonta a thairgeodh aird na hollscoile agus na meán cumarsáide ar úsáid na Gaeilge labhartha
Gradam na Gaeilge 2026
Bronnadh Gradam na Gaeilge ar scoláire amháin agus Onóir na Gaeilge ar bheirt scoláire de chuid Choláiste na hOllscoile Corcaigh ar an Déardaoin 23 Aibreán 2026 ag ócáid i Seomra Phádraig Tyers in Áras Uí Rathaille.
Is é Páidí Mac Gearailt, Dlí agus Gaeilge 2, a bhain Gradam na Gaeilge 2026 amach i mbliana. Bronnadh Onóir na Gaeilge 2026 ar Phroinsias Mac Ruairí, Dlí agus Gaeilge 4 agus ar Catherine Finn, B.Oid. Gaeilge agus Mata 3. Ní raibh ar a cumas ag Catherine a bheith i láthair ar an lá, ghlac Dónal Ó Lochlainn lena dámhachtain ar a son.
Tá na dámhachtainí urraithe ag Ionad na Gaeilge Labhartha.
Dhein na mic léinn sárobair i gcaitheamh na bliana maidir leis an nGaeilge a chur chun cinn i dtimpeallacht na hOllscoile. Ba iad an tOllamh Caoimhín Ó Muirí (Roinn na Sean-agus Meán-Ghaeilge), Lúcás Ó Raghallaigh (Oifigeach Gaeilge Aontas na Mac Léinn) agus an Dr Caitríona Breathnach (Ionad na Gaeilge Labhartha) a bhí mar mholtóirí.
Ba í an Dr Caitríona Breathnach a dhein an bronnadh ag ócáid speisialta a eagraíodh i Seomra Phádraig Tyers.
Ina theannta sin, bronnadh DZáٲí ar áitritheoirí Áras Uí Thuama, lóistín Gaelach na hOllscoile, ag an ócáid chéanna. Ba í an Dr Katie Ní Loingsigh, Roinn na Nua-Ghaeilge, a dhein an bronnadh seo.